阿佘爆男友聖誕求婚
佘詩曼昨晚身穿Tube Dress出席商場舉行的聖誕亮燈活動，問到有否難忘聖誕，她說：「我21歲喺瑞士求學嗰陣，男友砌咗個同我一樣高嘅雪人，當中仲有戒指，原來向我求婚，但當時我仲讀緊書，所以冇答應。（錯過咗等足廿年？）今年啦！（拍拖喇？）拍戲呀！（後悔？）冇，如果當年結婚，真係浪費咗家人啲錢。」
問到今年聖誕如何度過，阿佘透露月中要開拍《使徒行者》電影版，對於有傳林峯冇份演出，她說：「要開完會先知。（可惜？）睇你點睇，可能有新角色更好呢！（有傳苗僑偉擔正？）過兩日開完會先可以了解多啲。」她又表示若果聖誕有時間，便會與家人及朋友一起過節。