黃心穎要型想學雙節棍

藝人黃心穎、鄧佩儀、翟威廉等前晚為「歡樂滿東華2015」綵排雙節棍舞，心穎認為李小龍及周杰倫拿雙節棍時相當有型，曾幻想自己耍棍時的模樣，也有意學習雙節棍，更指明年一月有機會隨《學是學非》節目到澳門體驗笨豬跳，但現時她的心情忐忑：「始終都驚。（測試地心吸力？）我唔知咩原理，志在玩，我相信班姊妹都唔會玩，尤其係梁嘉琪。（佢拇指腫咗，有冇問候佢？）未見到佢哋，好羨慕佢哋去德國，但我喺香港有工作。」心穎透露已接下聖誕及除夕騷賺外快。