杏兒自爆知道未婚夫身家
藝人胡杏兒、楊秀惠昨日同出現活動，剛拍完內地劇集的杏兒透露可專心籌備月底舉行的婚禮，她承認心情有少許緊張：「結婚有好多鎖碎事要處理，我同啲好姊妹講，第時有咩可以問我，我乜都知，因為好多嘢都要自己決定。」近日不停趕戲的她除了疲倦面上還生粒粒，趁回港她會多點休息及勤敷面膜令皮膚變靚！
其未婚夫Philip被外間指財力不夠，特別搬往月租四萬的新居，對此杏兒說：「佢住邊我點會唔知，只不過成日話佢住我屋企，其實大家各自有屋企，都有搵一齊嘅新居，之前睇唔啱啫。（租定買？）兩樣都可以考慮，屋企好緊要，想揀到最滿意為止。（婚後住邊個屋企？）總之有屋住。」談到有指其身家比Philip多，杏兒笑言：「我自己都唔知自己有幾多，佢有幾多我就估到，當然呢個對我唔係一個條件，佢一直都好努力工作，已經足夠。」