AGA做空姐聽力受損

歌手AGA昨日跟鄭俊弘、陳明恩出席《飲食業職安健常識問答比賽名人邀請賽暨頒獎典禮2015》，眾人即場示範做熱身和唱歌。受訪時AGA透露入行前做過四年空姐，但當時很多姿勢都做錯，故弄到身體受傷：「我嗰陣搬重嘢冇烏低身，搞到條腰受傷，但依家條腰好番好多。」
AGA患中耳炎，指現時聽力比常人差。
AGA患中耳炎，指現時聽力比常人差。

她亦講到做空姐時試過最危險的事是遇到氣流：「原來有氣流嗰陣真係好快，乜都捉唔切，我嗰次都有離地，好驚，好彩好快冇事。（有冇受傷？）都有，拗親腳瓜，好彩唔太嚴重。（依家搭飛機有冇陰影？）又冇。」她亦透露現時聽力有輕微受損：「我有中耳炎，係因為以前做空姐啲氣壓搞到咁，而且聽歌好大聲，所以聽力比平常人差少少，依家聽歌盡量都細聲啲。」

AGA（左一）、鄭俊弘（左二）、陳明恩（右一） <br>眾人示範做熱身防職業勞損。
  • AGA（左一）、鄭俊弘（左二）、陳明恩（右一）
    眾人示範做熱身防職業勞損。