黃長興再做老竇兩個夠晒數
無綫藝人黃長興與太太Peggy已育有一位女兒Paige，現時女兒才一歲半，不過長興向來是個傳統的男人，之前已不諱言希望與太太生四、五個小朋友，長興一直努力造人，太太終於懷有第二胎，真的是一大好消息！
懷孕逾3個月
長興接受本報記者訪問時坦言感到很興奮，直認太太已懷孕過三個月，問到今胎是仔還是女時，他謂：「梗係想有個仔啦！咁就湊夠一個『好』字，不過都應該係弟弟嚟！」長興說是「應該」，問他為何不肯定時，他表示與太太去產檢時，醫生有問他們想不想知道是男還是女，但當時他的太太表示不想知住，長興即跟醫生謂：「但我想知囉！醫生話如果太太唔想知，佢哋就唔想講，不過照超聲波時醫生有畀提示我，佢話今胎個BB輪廓好出、好明顯，咁應該係男仔啦！」
原先長興計劃做「多仔公」，不過亦因這一胎改變了初衷，長興指太太懷第一胎時，佗BB及開刀生時都很順利，不過今次就見她相當辛苦，更經常嘔吐，他笑言：「老婆真係好偉大，之前見佢咁輕鬆，諗住生幾個啦！依家捱埋呢幾個月，都應該收工嘞！」果然錫老婆。
文：影視組