方中信呻劇本長:邊講邊噴泡

藝人方中信、廖啟智、黃智雯和李佳芯等昨日出席新劇《律政強人》試造型,方中信笑住呻劇中對白比古裝片還要多,結果獲劇組送上錄音筆補數。事後方中信透露花了一晚才看完8集劇本,乃從影以來時裝劇對白最長的一次,他說:「真係好飽同好甘,好在今次係講廣東話,比內地劇舒服啲。(好耐冇講?)係喎!飽到咁,一路講一路噴泡,我想做個啞又唔畀我做。(順便考有冇腦退化!)真係考,不過我記憶力還好。」

問到監製可有安排感情戲安撫他?方中信自嘲這招沒作用:「都用唔着,個女都7歲啦,所以都只係同李佳芯有啲曖昧,親熱戲?冇啩。」黃智雯則表示小時候曾幻想將來男友會像方中信般有男人味。