畏高千嬅為籌款醉玩機動遊戲

藝人楊千嬅、周柏豪、組合Super Girls及梁雨恩等昨日於尖沙咀出席「東華慈善嘉年華」啟動禮。提到嘉年華設有高空機動遊戲，畏高的千嬅表示願意為籌善款而挑戰「高難度」，但戲稱事前要先灌醉自己，她說：「飲半杯香檳去到頭暈境界，咁可能成功享受到。（籌夠幾多善款你先玩？）一百幾十萬走唔甩，我啲恐懼好值錢。」

傷頸影相似骨折

千嬅搞笑自爆曾被老公丁子高「整蠱」：「佢呃過我玩機動遊戲，（架車）一跌落去就整親我條頸，結果玩完出嚟見到啲相張張都影到我骨折咁！」她透露兒子跟老公都愛玩機動遊戲，自己則負責「睇袋」，但曾遇上粉絲索取合照而感到尷尬。

同場的周柏豪就搞笑自認膽小，但又喜歡挑戰：「我又驚高、驚血、驚曱甴、驚凍同驚熱。（保護女友？）男人喺適當時候會攞出勇氣。女朋友唔驚曱甴，可以一手捉住。（佢保護番你？）女性有時候突然發揮母愛。（同女友玩機動遊戲？）佢都驚，砌積木就啱佢。（試玩高空機動設施？）有興趣，唔好食咁多嘢去玩。」

風趣的柏豪逗得千嬅哈哈大笑。

梁雨恩為慈善出一分力。

至於組合Super Girls成員Yanny提到機動遊戲時就自爆未玩先頭暈：「我好驚離心力，仲有成員呃我玩機動設施，玩完後我喊到七彩！」

文：影視組