張智霖瞄準M巾祖兒挑戰Do姐

張智霖及容祖兒昨到尖沙咀出席「《TVB周刊》最強人氣品牌大獎2015」頒獎禮，獲頒最強人氣廣告天王及天后殊榮，足見他們深得廣告客戶及觀眾歡心，Chilam已連續兩年得獎，目標明年可三連霸，未知是否心情太興奮，他在台上與頒獎嘉賓自拍時整跌手機，幸仍處變不驚。

狂操六舊腹肌

Chilam表示還有三種廣告想接拍，包括酒類、汽車及健身院，他說：「覺得自己成熟咗，可以飲吓威士忌。第二樣係車，因為自己鍾意，另外係健身院，我總係開騷嗰排先fit，平時比較hea，有人督促住好啲。（搶郭富城生意？）唔係，我想幫黃佩霞嗰間。（接受拍女性用品廣告？）潤唇膏ok。（衞生巾呢？）如果故事有趣係好吸引眼球嘅！」Chilam正為下月巡唱操Fit，有信心練出六舊腹肌。

無綫高層樂易玲頒獎給容祖兒。	張智霖與頒獎嘉賓、無綫營業部助理總監尹錦輝自拍，期間跌了電話。	跌了電話。

恨拍旅遊特輯

祖兒很開心獲眾廣告商支持：「我個豬仔錢罌好大，大部分收入來自廣告，多謝客戶支持，有啲係長期信任。（仲想拍咩廣告？）關於旅遊嘅嘢，機票、酒店，想做個《祖兒去Shopping》，最近睇《Do姐去Shopping》好正，我冇拍過旅遊特輯，係遺憾。」有指組合Super Girls將獲今年的廣告歌曲獎，屢獲此獎的祖兒大方謂不介意，問會否出席年底的四個大型音樂頒獎禮？祖兒表示會盡量出席。

另外，Chilam提到最近熱烘烘的「取消小三TSA」教育問題，他贊成取消TSA：「懇請還小朋友一個自由嘅天空。」

文：影視組