東網民選搶閘登場眾星爭投TV KING & QUEEN

緊貼娛樂圈消息、好睇又好玩的《東網巨星》App由昨日起至12月11日下午，舉辦《東網民選TV King & Queen》投票，讓網民透過《東網巨星》Facebook專頁在今屆台慶頒獎禮的「最佳男、女主角」40位候選人中，選出自己最Like的視帝、視后，賽果反映民意指標，究竟民意視帝最終會由黃秋生還是應屆雙料視帝陳展鵬奪得？民意視后又會是汪明荃抑或田蕊妮的囊中物？快啲到《東網民選TV King & Queen》專頁投票啦！

秋生彈出 阿田「友」人撐

自從《東網民選TV King & Queen》昨午登場後，即備受網友追捧，與無綫《萬千星輝頒獎典禮2015》的視帝與視后同樣全城關注！幾位星級選民昨日先選為快，容祖兒與唐詩詠均投了黃秋生一票做民意視帝，視后方面則分別選了汪明荃及田蕊妮！秋生本人則睇好黎耀祥與前晚公開激讚的陳煒，另一有份角逐的洪永城竟將視帝一票，投給曾傳不和的陳展鵬。

《梟雄》黃秋生、《張保仔》陳展鵬 圈中星級選民睇好「雙料視帝」陳展鵬與影帝黃秋生爭奪「最佳男主角」。	《鬼同你OT》田蕊妮、《華麗轉身》汪明荃 田蕊妮與汪明荃爭奪視后，機會被睇高一線。	唐詩詠睇好《梟》劇拍檔黄秋生贏視帝，視后則揀好友田蕊妮。

容祖兒昨日率先投選了黃秋生與汪明荃，作為視帝、視后心水選擇，她說：「我連提名名單都唔使睇，一定係佢兩個：黃秋生同汪明荃！秋生好少喺電視螢幕出現，睇佢今次演《梟雄》嘅演技超凡，視帝應該係佢！至於視后，汪明荃一出，誰與爭鋒呢？相信冇人夠膽同佢爭！」而唐詩詠的視帝、視后選擇亦都所見略同，她說：「視帝揀秋生，原因當然係因為佢好戲！視后我會選田蕊妮，因為佢係我好朋友，我偏心佢呀！」

容祖兒	TV King候選名單	TV Queen候選名單

陳展鵬黎耀祥各有支持

備受睇好的「影帝級」秋生早在《梟雄》開播後，曾被網友讚嘆：「齋企都有戲！」他前晚出席劇集大結局晚宴卻一改口風，棄汪明荃轉撐陳煒，他說：「佢（陳煒）有份角逐？佢攞硬！（你上次睇好汪明荃？）有汪明荃，咁就唔知佢夠唔夠膽攞！我硬係鍾意陳煒多過汪明荃，以外貌計！」他又表示睇好黎耀祥封帝：「我都冇睇過（所有候選者演出），點選？但黎耀祥同陳煒，佢兩個，我有睇喎！」而洪永城則將視帝一票投給曾傳不和、出爐星馬「雙料」視帝陳展鵬，他說：「對佢又愛又恨，佢係一架跑車，如果我見到佢車尾燈，我都當自己贏！」

文：影視組