Cara G.唔畀囡囡做童星
混血女模Cara G.、老公Jesper及大女India昨日一同出席商場聖誕活動，Cara透露聖誕將返回家鄉澳洲度佳節，續說：「我爸爸同弟弟都未見過細女Freija，好期待！」她表示今年聖誕很特別，因為自己的姊姊也剛誕下BB，所有BB將聚首一堂。問到女兒坐飛機有沒有問題？她說：「Freija之前跟過我去新西蘭做嘢，佢係咁瞓，都OK。不過India就係咁走嚟走去，真係好災難性！」
今次是他們首次一家三口出席活動，問到是否有很多活動或廣告邀請他們演出？Cara坦言有獲邀，但自己不感興趣：「我唔想畀佢哋做童星，小朋友唔應該做嘢。不過如果佢主動話想拍，咁又唔同講法，但如果你問我，我會答No。」