湛琪清暫代汪詩詩湊仔
「宇宙最強」甄子丹太太汪詩詩的表妹湛琪清昨晚現身拍賣活動，她透露近日忙於照顧詩詩的子女：「詩詩去咗倫敦探子丹班，佢哋好少有機會兩個人一齊，好少二人世界，今次會去一個星期。 （咁你要做保母？ ）我好鍾意，啱啱先同佢哋去咗迪士尼。 （有冇同埋圓圓個女？）冇，佢太細個。（佢哋百厭嗎？）James（詩詩囝囝）好乖， 不過有時叫佢食菜佢唔肯食，同埋有時功課唔肯做，但佢其實好聰明。」
她又笑言因要幫忙照顧詩詩子女，故也有經驗當媽媽，如果緣分到，也不介意做媽媽！問到佗孖胎的圓圓情況如何？她說：「佢個肚依家好大，兩個都開始踢佢，人哋三年抱兩，佢就兩年抱三，好犀利！ 」她表示圓圓雖懷孖胎，但比上一次大肚還要瘦。