郭富城扁嘴「表錯情」輸咗再嚟過！
郭富城、金燕玲、春夏、白只及譚耀文等前晚亮相電影首映。日前於台灣失落金馬影帝的城城表現風騷，他坦言沒有失望，對於宣布結果時被指扁嘴，表現大方的他就豪氣否認謂：「佢哋唔係講我對個賽果件事扁嘴，capture表情呢啲嘢唔準嘅。（輸畀導演馮小剛喎！）我冇睇過部戲冇得作準，我尊重所有賽果同恭喜得獎者。每個頒獎禮都有贏有輸，兵家常事，咪再嚟過囉。輸獎唔緊要，唔好輸信心就得。」
同白只食飯慶祝
問到可會寄望明年金像獎？城城表示沒有，認為把電影拍好便是對觀眾有所交代，更指下月將到上海及北京拍攝新片，預計聖誕節於內地度過。談到北京落雪，城城笑指自於嚴寒下拍攝《西遊記之大鬧天宮》演孫悟空後，已沒有角色難到他。城城又提到白只奪金馬獎男配角，他稱當晚已跟對方食飯慶祝。
春夏全裸冇底線
同場金燕玲提到失落金馬獎「最佳女配角」，她稱未有失望，有提名已算是肯定。談到其另一半蘇施黃近日接受傳媒訪問時提及她，金燕玲表示不知情：「阿蘇好好，我都好好，多謝大家關心。（佢隻腳類風濕都話要搵錢？）冇得好，要用中藥等佢紓緩。（佢咁辛苦，你感唔感動？）冇乜特別感動。你哋問呢啲問題好無聊！」至於內地女星春夏被問到於新片中全裸是否其拍攝底線？春夏直言作為演員不應有底線，做不做就要看值得與否。
文：影視組