洪永城線眼變大香香制服誘仔

洪永城、岑麗香和劉佩玥等昨日在中環出席無電綫新劇《實習天使》「振翅啟航」活動，期間一眾女演員望到該劇海報就不斷大笑，原來是笑原本眼細細的Tony在海報上雙眼大得異常，香香更笑他「過分美圖秀秀」，而Tony玩遊戲時左右手不協調，成雙料取笑對象。

想帶詩詠遊西藏

談到劇組未准Tony宣傳時露笑容，他指拍攝期間都要黑面以維持其角色「死神Ray」的形象：「要同大廈管理員講唔好意思，因為經常鬧佢。（鬧埋緋聞女友唐詩詠？）唔敢。」又指吳若希見他黑面會難忍笑意。

宣傳海報中的洪永城眼睛變大，眾人以此為笑柄。

香香（左）和劉佩玥齊做伸展運動。

Tony指拍完《味想天開》考慮去旅行：「想去原始啲嘅地方，例如西藏，可以行吓山，另類啲。（詩詠肯同你去？）希望佢接受，佢都好捱得。」

女神孤獨過聖誕

女神香香以護士Look到場，問其男友強強會否想睇她着護士制服，她就指個個都會睇：「佢都會支持我。（想睇你做性感護士？）拉鏈拉到上頸，條裙又及膝，點性感？（借戲服返去玩？）唔得，係公司資產！」香香說男友身在加拿大，但兩星期前都有來港探她：「佢肯咁遠嚟探我，都覺得好感恩。」不過聖誕期間香香要忙拍劇，未有時間見愛郎。

文：影視組