林雅詩頭暈激瘦Call白車急救

息影多年的前港姐林雅詩早前被爆老公偷食，最近正搞離婚手續，加上Grace復出拍寫真，密密做搵真銀，以致心力交瘁！繼早前在社交網上載（界刂）手照及留言透露有自殺念頭後，昨日她又突然急Call白車送院，但原來是懷疑食物中毒。

疑食物中毒

送院後，躺在擔架床上的Grace全身披上毛氈，她的面色蒼白，面部瘦到腮骨凸起。問到為何Call白車？她氣若游絲地回應：「有啲頭暈，有啲肚痛。」至於其表哥兼助手Eric指今早收到Grace的家傭電話通知後，立即趕往醫院，並透露Grace入院原因，他說：「佢胃痛加肚痛所以Call白車，經過醫生初步檢查，懷疑佢食物中毒。（需要留院？）暫時未知，要等再進一步檢查。」期間，曾任臨時演員的「蜥蜴仔」曾德華也有到醫院探望。

林雅詩獲顏仟汶（左）接出院時，右手貼上紗布。	放大圖片	面色蒼白的林雅詩披上毛氈保暖。

披肩護下身

直至昨日傍晚六時，虛弱的Grace步出醫院，前藝人顏仟汶到場接送。當時Grace用橙色披肩包着下身，她的右手也包上紗布，相信是剛吊過鹽水的傷口。Grace全程表現呆滯地透露：「今日都唔係好食到嘢，昨日更加冇食過嘢，覺得好頭暈。（送院經過係點？）今朝家傭拍極我都冇反應，懷疑係腸胃炎，就送咗我入醫院。今朝本身諗住去香港島湊仔返學，最後都冇去。」

表哥兼助手Eric透露林雅詩懷疑食物中毒。

林雅詩正與老公辦離婚。（資料圖片）

被問到老公有否探望時，Grace一臉傷感，停頓了30秒才回答：「冇。（離婚影響到你食欲？）有咁嘅可能。（依家仲同老公住？）係。（返到屋企會見到老公？）會見到。」此外，她又指明日要繼續開工，有關離婚一事全部交由律師處理。及後，記者致電顏仟汶問及Grace為何以披肩包下身，她表示：「其實佢當時有着褲，着咗條家居短褲，披肩只係因為天氣凍。」

文：專案組　

攝：追蹤組