李嘉欣驚恐症 度假唔揀歐洲
繼巴黎發生恐襲後，有傳其他恐怖組織正繼續計劃在全球多個地區發動襲擊，令各地民眾人心惶惶。「大美人」李嘉欣為保安全，暫時亦避免到歐洲旅行；相反，名模Lisa S.則冇有怕，如常返回家鄉美國，與家人歡度聖誕。
「大美人」李嘉欣（Michele）與老公許晉亨、名模Lisa S.、名人雷兆光夫婦、歌手李樂詩等，昨日現身聖誕慈善籌款活動，提到Michele前天結婚七周年紀念，問到二人如何慶祝？她說：「簡簡單單一家人食飯，冇特別慶祝。」她透露老公送了心意十足的禮物給她，相反自己毫無準備，笑言自己是一個不夠浪漫的人。她透露囝囝許建彤（Jayden Max）於用餐時，發現枱上只有六支蠟燭，更專誠多找一支集成七支，以慶祝父母結婚七周年紀念，她讚兒子思想簡單又純真。
另外，Michele透露稍後將於聖誕前舉家到外地滑雪，問到會否到歐洲？她說：「唔會，一向都唔多去歐洲咁遠，因為有小朋友。而且最近發生咁多唔開心嘅事，暫時唔會去。」
讚Ana R.囡囡可愛
至於Lisa S.則透露聖誕將舉家返回家鄉美國，即使當地發出全球旅遊警告，她亦抱樂觀態度。她說：「雖然係去被認為世上最危險嘅城市，但都要繼續生活，大家控制唔到。」她表示最少於美國逗留三星期，待老公吳彥祖拍完電視節目後才離開。她又透露已探望剛誕下女嬰的名模好友Ana R.，並大讚BB面形像Ana，五官像Ana老公Brad，非常可愛。問到Ana的精神狀況？她笑言：「佢依家仲好興奮，啱啱生完頭一、兩個星期係好開心，不過兩個星期後，佢應該會好攰。」
文：名人組