陳凱彤勁減80磅出山
英皇女新人陳凱彤（Lillian）於2013年新秀歌唱比賽中憑得天獨厚的聲線，加「重量級」身形，成功打動一眾評判而奪得當屆新秀冠軍並收歸英皇旗下。經過兩年時間的秘密練兵，成功將Lillian由200多磅的「肥妹仔」變成今天的苗條索女。
成功減去80磅的Lillian，自言減肥期間可謂「冇啖好食」，故趁着新專輯推出，特地設火鍋宴招待公司所有同事，包括高層吳雨及有份為其新歌《小確幸》獻聲的師兄陳家樂，實行大食特食，答謝他們一直的照顧。Lillian獲吳雨贈送拳王腰帶，寓意她日後在樂壇愈戰愈強，及後她和陳家樂互送有助開聲的「鹹竹蜂」作禮物。
欣賞陳家樂
談到火鍋宴，Lillian笑稱：「我其實好鍾意打邊爐，但要Keep Fit已經好耐冇食過，於是想趁今次請同事食飯嘅機會，可以食餐飽。」談到師兄陳家樂，她表示感謝對方為新歌獻聲之餘又替她拍攝MV，她說：「家樂係我好欣賞嘅藝人，之前見佢喺台灣拍戲時受傷，都堅持繼續拍，令我好感動。」接下來要開始一連串新碟宣傳工作的Lillian，期望日後有機會跟容祖兒和張敬軒兩位重量級的師兄師姐合作。
文：音樂組