軒仔樹根纏身睇好柏豪掃獎

繼早前的「叱咤」記招後，張敬軒和周柏豪昨日再碰頭，兩人都被視為獎項大熱人選，軒仔去年出席各大頒獎禮的造型都很「出位」，他說今年的造型會「最爆」：「整條大樹根，畀樹根攬住，不過之前個騷都用咗四棵樹根做主題。」

任大會專業評審

軒仔稱今年有份做大會的專業評審，以不記名方式投票給歌手，但不能投給自己，並說戰況激烈。軒仔又睇好柏豪：「柏豪同許廷鏗都好好成績，勢均力敵。（你投咗佢哋一票？）呢啲唔可以透露。」軒仔謙虛說今年有段時間返了內地拍戲，上榜歌不算多，所以對個人獎項不抱太大期望。

張敬軒指今年的頒獎禮戰衣會以樹根做主題。	林子祥（中）與鍾鎮濤將獲表揚。（資料圖片）	鄭俊弘（左起）、許廷鏗、吳若希及胡鴻鈞是樂壇新動力。

獲軒仔睇好可贏獎的柏豪謂：「唔係啩？佢都機會好大。（有信心四個頒獎禮贏到開巷？）冇咁諗，今年都放咗時間喺電影同巡唱，上年投放喺音樂嘅時間多啲，所以今年成績係平常心，冇攞過嘅獎唔知有冇機會攞，但創作獎可以攞完再攞都OK。」

鍾鎮濤獲金針獎

許廷鏗獲安排坐頭排，坐後兩排的鄭俊弘稱沒有不開心，並指許廷鏗是一哥兼大師兄。劉浩龍被問到何韻詩重新關注容祖兒的instagram，浩龍稱：「你講我先知，因為我好耐冇玩。」另外，大會公布鍾鎮濤榮獲今屆「金針獎」，「名人堂」歌手是林子祥，大會還邀得巨肺級歌手任揭幕演出，今屆亦新增樂隊獎項。

文：音樂組