Bob掟水彈瞄準陳婉衡巨咪
林盛斌（Bob）、范振鋒、陳國峰、高海寧和陳婉衡等昨日為節目拍攝水彈大戰，阿Bob瞄着陳婉衡的心口猛擲水彈，連好兄第范振鋒也看不過眼說：「好變態囉！」阿Bob則抵死笑說：「佢心口好似有airbag（氣袋），啲水彈會反彈。」
藝人林盛斌（Bob）、梁烈唯、陳國鋒、范振鋒、黃心穎、高海寧、陳婉衡、鄧佩儀等昨日在將軍澳電視城為《LET'S GO!兄弟幫1500集》拍攝外景，眾人在節目中上演擲水彈大戰，擁有36E導彈身材的陳婉衡成為阿Bob的「攻擊」對象，梁烈唯與范振鋒大爆阿Bob以水彈瞄準陳婉衡的心口投擲，范振鋒笑說：「佢瞄住人個心口嚟擲，好變態囉。」阿Bob則笑說：「呢個女仔好嘢，啲水彈擲埋去唔爆o架，仲會反彈，心口好似有airbag咁，TVB裏面我最欣賞佢……嘅性格。」范振鋒又爆阿Bob與陳國鋒先後為陳婉衡用藥油捽額頭上的蚊瘌，他笑說：「電視台每隔幾年就會有色魔出現。」
高海寧玩到濕晒
「咪神」陳婉衡對於阿Bob瞄準她的心口擲水彈則笑說：「唔係啦，邊有咁準呀，佢喺城樓上擲落嚟。（阿Bob話你心口好似有airbag﹖）有我就唔會搞到成身濕晒啦。（畀阿Bob瞄住擲可會尷尬﹖）唔會，大家玩啫。」另一「咪神」高海寧則學識「保護」自己，向來是被玩對象的她笑說：「我淨係條褲濕晒，見唔對路，一開始就匿埋咗。（陳婉衡做咗你替死鬼？）唔係，佢有天生airbag保護嘛。」
黃心穎被綁死忍
黃心穎也被水彈擲得全身濕透，她笑說：「濕到入底褲，都唔知點返屋企，上親佢節目都冇好嘢，上次又係玩到濕晒身。」另外，心穎近日將《東坡家事》一場別人怕她有瘟疫，擔心她變喪屍而將她五花大綁的劇照放上網，照片成為網民熱話，心穎被綁十小時，手腳麻痹，加上天氣凍，又肚餓，認真慘情！她笑說：「自己睇番都覺得綁到好似隻大閘蟹。（有冇得去廁所？）可以嘅，但我費事麻煩人，所以忍住。（網友話相片好SM﹖）我又唔覺，人哋點諗我阻止唔到，網上嘅嘢唔介意得咁多。」
採訪：影視組