楊千嬅開中門艷壓全場

與陳慧琳一樣是潮媽的楊千嬅昨晚亦來個大突破，罕有地以「中門大開」出席活動，極度性感，艷壓全場。她透露有收藏珠寶：「我收最多係老公送嘅鏈墜，每年我哋相識紀念日佢都會親自設計一個鏈墜畀我，到結婚後就無喇，依家都會送，不過就唔會再自己設計，同埋Torres（兒子）出世時都有鏈墜，呢啲係無價嘅。（會唔會留畀個仔同新抱？）睇吓個新抱點，自己都後生過，唔會逼個仔要揀啲咩人，做阿媽嘅緊張都唔會講出口，啲珠寶係會傳畀佢嘅，依家我要多啲陪佢，開始潛移默化等佢第時揀啲（女仔）似阿媽咁嘅。」