爭視后變熱門 陳煒受寵若驚
藝人陳煒、葉翠翠和黎耀祥（祥仔）等昨日出席台慶劇《梟雄》活動，首次角逐視后兼入圍「最受歡迎電視女角色」的陳煒，對近日突然受大家關注，感覺既開心又受寵若驚，她表示奪視后信心不大，因對手太強：「個個都係好演員，大家都有班忠實粉絲，我最睇好汪明荃，其實有好多Noise已經好開心。」她想《梟》劇奪「最佳劇集」。
與黃秋生、劉松仁等爭視帝的祥仔則隨緣、冇壓力，三奪視帝的他說：「已經死而無憾，我反而想更多新演員拎視帝，好似王浩信、張繼聰就好好戲。」
而早前因肚痛缺席宣傳的翠翠否認懷孕，她承認有計劃「造人」，除了睇中醫調理身子，又上網研究生仔、生女的秘訣，更自爆兩夫妻為生兒育女搞對抗：「依家食嘢要健康，早瞓兼戒酒，老公想生仔，幾乎全食素，但我想生女，每日飲豬肉湯都話飲唔晒要畀佢飲。」
