翠如戥人開心攞獎零信心
黃翠如、DJ少爺占昨午出席「Black & White港式奶茶日」，翠如更即場示範沖奶茶，近日她忙於在台灣拍攝《愛情來台灣的時候》，為了飛返香港出席活動，略現疲態，不過翠如笑說：「製作團隊好專業，今次同周柏豪合作，我哋啲鏡頭成日都要跑，跑到我雙腳貼咗膠布，好似拍緊動作片一樣。」
談到男友蕭正楠「投訴」兩人很久沒有相聚時間，翠如笑謂：「本嚟我仲要去印度，好彩時間押後咗，年尾就算唔去旅行，都可以多啲時間一齊。（台慶頒獎禮獲提名『最佳女主角』喎。）冇信心，我想田蕊妮同胡定欣一個攞『最佳』，另一個攞『最受歡迎』，咁我成晚坐得開心啲！」
