鄭伊娜香蒜煮蜆 色香味全

前亞姐鄭伊娜（Ena）目前正忙於營運自家speed dating公司，她日前就忙裏偷閒相約友人到貝澳摸蜆，更親自秘製香蒜炒蜆益家人！Ena以性感泳裝晒出三吋事業線上陣，她說：「通常人哋都係擔張櫈仔同攞個桶去掘蜆，但今次我朋友就拉我行出海用腳摸（蜆）！當時啲水深到上我心口又好大浪，我唔敢用腳摸蜆，因為驚失平衡沉落水。」惟有退回岸邊掘蜆。
露出事業線的鄭伊娜，就連海蜆也被她吸引到自投羅網。
露出事業線的鄭伊娜，就連海蜆也被她吸引到自投羅網。

Ena笑言在岸邊反而執到寶：「我發現啲蜆會隨住海浪沖埋岸，我淨係執蜆都多過朋友用腳趾摸！」她表示與友人商議後決定放生，轉而到海邊攤檔買下更為「重磅」的巨型海蜆。其後Ena即席下廚加入香蒜及秘製醬汁煮蜆，成功帶出鮮味之餘，更令家人不禁狂嗌Encore加餸！

鄭伊娜不諳泳術，只敢在淺水處徘徊。
  • 鄭伊娜不諳泳術，只敢在淺水處徘徊。
鄭伊娜親手煮蜆，家人食到舐舐脷。
  • 鄭伊娜親手煮蜆，家人食到舐舐脷。