千嬅撞壞車門老公鬧爆

楊千嬅前晚為「全新BMW 7 Series面世晚會」擔任表演嘉賓，獻唱三首歌曲，她在台上大爆丈夫丁子高買了新車，事後她接受訪問時說：「佢一路都好鍾意BMW，我有日開緊巡迴，佢同個品牌影緊廣告相，就同我講話買咗架車啦！不過佢之前架車都好鍾意，都係呢個牌子，都揸咗幾年。」

接載囝囝被下令補鐘

千嬅隨後投訴最近畀老公鬧：「因為星期日司機放假，我咪自己揸車，喺屋企停車場，其實我聽到聲，不過以為過到，點知唔係刮花，係成度門都要整，佢心痛架車，唔係我，因為知道個人冇事，仲問我係咪聽到聲都照踩油，好了解我，真係冇嫁錯人，哈哈！」千嬅又憶述二人拍拖時曾一起溫馨洗車，但她卻誤用百潔布來抹車身，令丁子高的車子車身刮花了不少，氣得大罵她。問到丁生會否不准她接載囝囝？她謂老公要她先補鐘，令她十分激氣！

丁子高	千嬅為名車活動作表演嘉賓。	Rosemary與未婚夫Jason拍拖睇靚車。

Rosemary待嫁緊張

此外，同場的名模Rosemary就與未婚夫Jason一同現身，她透露婚禮在十二月初，現時心情緊張，問到會否搞告別單身派對？ 她說：「其實係Ankie（貝安琪）幫我搞，佢依家唔喺香港，所以未知。」至於婚後是否馬上造人？她笑說：「我想啊，但要預備好多嘢！」談到法國巴黎恐襲，會否在老家補擺婚禮？她謂婚禮主要在印度舉行，也有考慮在別的地方如香港補擺，但都會是明年的事，她又指會如期到馬爾代夫度蜜月，並不擔心當地動盪。

文：名人組