苗僑偉笑老婆三點式唔啱身
藝人苗僑偉及陳豪（Moses）昨日以御藥堂代言人身份，到港交所出席公司轉板掛牌上市儀式，見證主席陳恩德生意業務再創高峰。即將第七年成為品牌代言人的苗僑偉更笑言獲老闆配股做股東：「喺晒老闆度，我隨時打開個夾萬我就有o架喇！」
提到太太戚美珍（三嫂）最近接拍電影《江湖喜劇》與譚詠麟（阿倫）演夫妻，三嫂更要求穿三點式與穿T-back的阿倫作大膽演出，苗僑偉聞言即大讚：「如果可行嘅都幾有可觀性，幾睇得吓o架！（會唔會介意？）我諗佢辦唔到呢件事，第一阿倫唔會着T-back，而三嫂想着三點式亦冇一件三點式啱佢着。」
陳豪教仔理財
而首次踏足港交所內部的Moses，就自稱屬股民中的「大閘蟹」，更笑認自己買「藍籌」都跌，不過Moses堅持投資的重要性，亦希望可以藉投資教導小朋友理財的方法，投資講策略，他說：「坦白講，冇放過就冇蝕，冇放過亦冇賺過！十年後可能個價又唔同呢，放長線，到時可能係畀我啲仔。」
前晚無綫48周年慶祝節目《萬千星輝賀台慶》中，公布Moses以無綫劇《鬼同你OT》成功躋身競逐視帝寶座，Moses表示會以平常心看待，更大讚對手黃秋生說：「佢唔使做啲戲都喺晒度。（你自己？）我反而希望兩位女主角（田蕊妮、胡定欣）是但一個攞（視后）。」
文：影視組