Alice B.獲瑞典貴族冧爆要乜有乜
來港發展七年的「第四代Canon甜心」Alice B.向《好報》真情剖白，自爆來港初期曾因誤交壞男友而惹上濫藥惡習。早前，她更與一名城中名人交往，後來珠胎暗結，最終因對方施壓，忍痛墮胎，陷人生低潮。如今Alice已從谷底反彈，結識了瑞典大地主貴族男友Charles-Louis，移居瑞典住在王宮般的房子，談到男友，她冧爆說：「佢知道我想要乜，都會買畀我。」
覓得好男友的Alice B.決定不再返香港這個傷心地，更不排除放棄模特兒工作：「香港嘅生活太瘋狂，我依家需要平靜生活。不過如果有工作請我返港，我唔排除會返嚟。我想轉行，一直以嚟都想做老師，教小朋友藝術同音樂。」
男友照顧生活
正於瑞典學瑞典語的Alice，被問到生活是否由男友照顧？她謂：「可以咁講，但我都有照顧佢，佢工作，我打理屋企，照顧佢起居飲食。」問男友曾否送過貴重物品給她？她說：「我哋嘅關係唔係建基於物質上，佢暫時冇送過好貴重嘅嘢畀我，不過佢知道我想要乜，都會買畀我。之前佢知我想畫畫，就買咗套畫畫工具畀我，佢知我鍾意件衫，又會送畀我。」
未見雙方家長
問Alice曾否與男友家人見面？她坦言：「我哋未見過雙方家長，不過我父母知我哋拍拖，我哋都唔急於要見大家家長。」她表示目前最想與男友四處旅遊：「嚟緊打算去意大利自駕遊，試吓當地嘅紅酒。下年去峇里，因為佢有朋友喺當地開酒店，會成班朋友一齊去玩。」
文：名人組