鄭裕玲還吳若希半邊面
前晚多位藝人表演賀無綫台慶，其中在「4個小生去法庭」環節中，飾演律師的鄭裕玲與陸永及C君現場鬥嘴，鄭裕玲笑言早知陸永暗戀自己，陸永則反擊對方想食「小鮮肉」，全場爆笑。
鄭裕玲昨日又上載一張跟吳若希（Jinny）、許廷鏗及胡鴻鈞的合照上網，Jinny終由上次只得半邊面合照變為「全面人」，對此Jinny昨出席綠色音樂會開幕儀式時笑言：「張相我申請咗好耐要影，結果尋日嘟姐（鄭裕玲）一見到我就話『快啲過嚟，今次要全面啦』，佢係好搞笑同親民嘅前輩。（一洗攝石人稱號？）尋日張相唔係我攝石，我係主角，但側邊兩個夾硬攝入嚟，好冇人性，好嬲。」講到有網友認為其金句「好打耳」可收錄在字典，她笑言很開心大家喜歡此字眼。