于淼後補頂上幸運贏百萬

前晚舉行的無綫《萬千星輝賀台慶》中的「台慶送大禮」環節最為緊湊，現場抽出了堪輿學家麥玲玲、藝人江美儀、麥美恩、鄧英敏與唐詩詠進身最後五強競逐各大獎，但因麥玲玲已離開會場，大會於是再抽出曾任《東網Baby》而為人所熟悉的華姐于淼補上，台上性感亮相的她即被網民大起底，大讚她樣子甜美，人氣一時無兩。最後于淼以後補身份成為大贏家，獨享一百萬獎金獎品，唐詩詠屈居第二獨得廿萬元獎金獎品，江美儀第三名得十萬元獎金獎品。

想請麥玲玲食飯

事後于淼受訪時表現激動，表示要多謝麥玲玲及請她吃飯，她說：「啲錢會用嚟學嘢、買嘢畀媽咪，現金獎全部都畀晒佢，請同事食飯。」

而痛失百萬獎金獎品的麥玲玲接受電話訪問，揚言不感可惜，還大方恭喜于淼說：「我早走係要趕去做電台節目，我知我會早走，所以事前已吩咐工作人員唔好放我個名落去參加抽獎，避免抽中喺現場節目會好尷尬，但唔知點解仲有我個名。今次抽中係Lucky，已經好開心，于淼係好幸運，佢應該嚟咗香港唔係好長時間，對佢事業剛起步好有用。如果我抽中咗獎都可能會拎番出嚟再抽過，我都唔係全職演員比較尷尬。」麥玲玲還在微博祝賀對方星途順利大紅大紫，並說：「好多男性朋友即刻打畀我，問我係咪同佢好熟。」

于淼奪得一百萬元獎金獎品，堪稱幸運女神。	獨得20萬獎金獎品的唐詩詠，與男友洪永城密密斟。	麥玲玲

收視最高34點

奪得廿萬獎金獎品的唐詩詠開心到見牙唔見眼，她表示：「20幾個人叫我請食飯。（單獨請男友洪永城？）唔獨立請啦，唔夠數呀，佢不停問我點用啲錢囉！」而「台慶大利是」全晚送出四封4萬8大利是，分別由田蕊妮、許廷鏗、張繼聰和楊卓娜贏得，田蕊妮表示超額請朋友食飯都沒所謂。張繼聰笑言全數上繳給老婆。而《萬》當晚收視最高34點，平均30點，比去年平均收視勁升5點。

文：影視組