周秀娜「慢」遊賽道嗌對手小心

周秀娜昨日參加《第62屆澳門格蘭披治大賽車》明星蓮花挑戰賽的排位賽，排名第17的她坦言相比前日狀態大勇得多：「我覺得係熟習咗，喺時間方面個圈速都有進步咗！其實我聽到自己有進步已經好開心，因為可能熟習咗，比起尋日嘅龜速，揸得好舒服、好安全，但我覺得仲係慢遊妹妹囉！」

另外，周秀娜自嘲是大家的最大對手，皆因自己的車速實在太慢：「我諗佢哋最大嘅對手係我，因為我實在太危險，係慢得好危險！所以我覺得我係佢哋最大嘅對手。」對於莊思敏與苟芸慧雙雙炒車，周秀娜坦言只知道莊思敏炒車一事，並沒有在現場親眼目擊。