余文樂打天才波睇淡贏輸

余文樂昨日落場前一直未有時間練車，故以安全至上，幸成績不俗。

前日練習賽中，劉浩龍是藝人中成績最好一個，他說：「尋日（前日）比較少車喺前面，做到唔錯成績。我未玩過呢個場，一切小心為上，今日（昨日）排位賽一定出盡全力！澳門山路好『蝦』人，今日做嘅時間快過第一日，但唔可以做到第一，因為前面啲車塞住咗，仲見到少少撞碰。雖然我哋架車好安全，但澳門全部係牆，有啲心理壓力。我應承咗屋企人、公司同事以完成到為目標，如果有機會攞獎就錦上添花。」至於方力申坦承首日練習賽較緊張，因為今次是新賽道兼比較窄，排位賽則受到前面兩次撞車所影響，希望今日做出更好成績：「我都冇時間練習！（正式出賽有信心？）唔係太大，但會盡力，安全為主。」

• 劉浩龍以完成比賽為目標，有獎攞當錦上添花。