苟芸慧克服炒車陰影出戰格蘭披治明星賽
今年七月中曾在珠海經歷賽車失事翻筋斗意外的09年華姐苟芸慧「苟姑娘」，萬幸沒有絲毫受傷，最近重整心理後更越級挑戰，以新人身份為慈善出戰今年11月21及22號假澳門舉行的「澳門格蘭披治大賽車」之明星賽，志在參與不介意贏輸的她，希望同樣在賽車跑道上打破之前意外所帶來的陰影，實行要「邊度跌倒就要喺嗰度企番起身」！
方力申莊思敏齊落場
這次明星賽事中，有不少藝人報名參賽，除苟姑娘外更有方力申﹑吳尊、余文樂、劉浩龍、方中信、莊思敏和周秀娜等。而剛在加拿大養病返港的苟姑娘，已向無綫報備將會參加這個賽事，高層樂易玲昨日受訪時坦言全力全持：「佢瘦番好多狀態亦好好，苟姑娘今次真係夠勇，所以我都好支持佢！」
苟姑娘積極備戰，昨日受訪時坦言「炒車」後令她更喜愛這項運動：「自從上次意外，我再喺同一跑道上練車，失事陰影我已經克服咗，經過今次意外，我覺得賽車令我更了解自己，每完成一次練車，都可以令我信心大增，有一種突破自己既感覺，好正！（練車準備落場？）為咗安全起見，香港冇地方練，我只有等到18、19號過澳門，先可以喺佢哋指定場地練車，目前我主力做運動，如跑步等練體能應戰！」
另苟姑娘昨日在微博上載爆枱燈燈泡的相片，她更自爆受傷過程，還笑言睇得醫生多要搵醫生做男朋友。
文：影視組