黃心穎純情學生妹引女追

無綫劇《東坡家事》一班藝人歐陽震華（Bobby）、萬綺雯、王浩信、黃心穎與陳煒等，昨日到訪將軍澳區一間中學谷劇，現場與一班學生打成一片，大玩閃避球與題詩遊戲，當然少不免被學生「集郵」。Bobby透露中學時代十分奀皮，指當年仍未禁止體罰故不時捱打：「爭在未嘔血，仲有被侮辱o架！見過有同學被罰企校務處，要扭耳仔兼伸條脷出嚟，用嚟幫人貼信封，所以我唔敢唔交功課，你知我幾有型先得o架！他又自爆當年身形又瘦又矮似是營養不良，幸好運動方面出色才能升班。而萬綺雯自爆小學時又肥又矮，直到中二玩跳高才變得高瘦身形。

王浩信收藏閃卡

同場的黃心穎直認讀書時多人追，還自爆經歷過醜樣階段：「自己都試過箍牙、戴眼鏡、黑皮膚同染金頭髮。我都試過有女仔追求，但對方好規矩，自己亦唔會歧視人哋嘅性取向。」至於王浩信則表示有收藏周慧敏、楊采妮與李嘉欣的閃卡，問到有否見過心目中女神的真身，他說：「入行後試過訪問李嘉欣，當時腳震震到上手，周慧敏都見過，但未見過楊采妮。」

歐陽震華與萬綺雯打茅波，玩閃避球時拉實黃心穎。

歐陽震華（左起）、萬綺雯、黃心穎、王浩信、陳煒與泰臣訪校谷劇。

新劇收視26點

另外，《東》劇上周收視平均26點，最高29點，另一台慶劇、由黎耀祥與黃秋生主演的《梟雄》則平均收視26點，最高28點。

文：影視組