陳奕迅謝安琪考18藝人揪出《巨星放題》智尊
《東網巨星》App製作的全新遊戲節目《巨星放題》今日獨家率先於App播出！由兩位星級考官「Dr.吹神」陳奕迅（Eason）及「Miss Kay」謝安琪主持大局，出刁鑽IQ題及冷知識考盡18位藝人，誓要揪出圈中的「放題IQ王」！貴為星級考官，Eason和Kay坦言平時最愛挑戰搞笑益智的IQ題，他們更自稱IQ高，答題威水史數都數不完！
由最強娛樂資訊App《東網巨星》製作的節目必屬佳品，萬眾期待的重點娛樂節目《巨星放題》今日獨家率先首播！節目邀得兩位星級考官「Dr.吹神」陳奕迅（Eason）及「Miss Kay」謝安琪向一眾圈中人出題，誓要考盡大家的智慧！做得星級考官，Eason和Kay並非浪得虛名，分別屬於英國Kingston University榮譽博士及香港大學畢業生的他們，不但擁重量級學歷，IQ亦屬「博士級」！
刁鑽題考起
「Dr.吹神」Eason向來愛吹水，今次做主持便能滿足他講不停的欲望：「今次做主持都幾過癮，可以同圈中朋友玩遊戲輕鬆吓，兼考考大家嘅IQ同對冷知識有幾認識，其實大家都可以一齊動腦筋玩吓，幾益智。」自言愛玩IQ題的他更曲線讚自己IQ高：「問我IQ高唔高？大家話呢？我冇理由話你知我IQ渣，哈哈，不過有啲IQ題都真係幾刁鑽，考起我。」講到冷知識，Eason忍不住搞爛gag謂冷知識「其實都幾冷」，但亦坦言今次令他獲益良多：「生活上接觸到嘅冷知識，有啲我都唔知，所以今次我都學識咗好多，你哋又答啱幾多條？我都想知邊個藝人咁叻答到最多！」
隨身袋秘笈
至於Miss Kay則表示很榮幸能擔任星級考官，她亦直言十分愛玩IQ題和冷知識：「之前有個飲品樽蓋會介紹冷知識，我好鍾意睇，平時亦鍾意買啲IQ題或趣味題嘅書仔，袋定好多呢啲書方便同朋友玩。」自信爆棚的Kay亦自稱IQ很高，更大晒威水史：「搞笑嗰啲題目我實估中，試過有次節目主持人問我哋邊個仔唔掂得，掂親就死，大家都估唔到，但我就估中係K仔（氯胺酮），因為掂親K仔實冇命係禁毒口號，呢個都幾好笑，好似係為我而設。不過有啲核突或鹹鹹哋嗰啲題目我就冇咁易估中，可能係因為我心地純潔，或者性格比較正直。」
18星戰來頭勁
周秀娜
界別：演員
綽號：IQ女神
強項：老闆娘頭腦，應變力強，有IQ之餘，EQ都高。
牛雜妹
界別：演員
綽號：通識女王
強項：剪牛雜駕輕就熟，不單止勞動力爆燈，IQ和通識都不俗。
郭奕芯
界別：演員
綽號：IQ聰明豆
強項：擁有小聰明，腦筋急轉彎，最叻答IQ題。
傅嘉莉
界別：演員
綽號：咖啡妹
強項：有創意、有心意，鍾意挑戰新事物。
楊愛瑾
界別：演員
綽號：俏米奇
強項：縱橫模界、樂壇多年，見識廣博，IQ滿分。
陳瀅
界別：模特兒
綽號：宅男女神
強項：IQ爆棚、反應快、能言善辯，愈難愈過癮。
張繼聰
界別：歌手
綽號：爆肌聰明豆
強項：轉數夠快，又鍾意搞爛gag，仲要有老婆謝安琪做臥底。
狄易達
界別：歌手
綽號：智慧達人
強項：跳舞出色，仲識花心思氹女友，生活知識一定難佢唔倒。
陳慧敏
界別：歌手
綽號：大眼妹doll doll
強項：膽識過人，由澳門來港獨闖，成日「bilibala」，鬼主意多多。
連詩雅
界別：歌手
綽號：長腿娃娃
強項：長腿夠煞食，成日做運動跑馬拉松，頭腦都應該清醒啲。
糖妹
界別：歌手
綽號：甜甜小姑娘
強項：正所謂糖妹笑一笑，世界更美妙，生得細細粒，但智慧高人一等。
林奕匡
界別：歌手
綽號：翻版小王子
強項：創作能手，憑着一股傻勁，出奇制勝。
關楚耀
界別：歌手
綽號：屈肌IQ
強項：一排朱古力自家「胸器」威力唔講得笑，唱得睇得兼演得。
周柏豪
界別：歌手
綽號：大的水男神
強項：靚仔又有文化，心血來潮寫吓潮文，頭腦、四肢發達。
鄭俊弘
界別：歌手
綽號：熊貓巨星
強項：彈「嘢」一流，結他玩得出神入化，仲唱得兼打得。
田蕊妮
界別：演員
綽號：召喚女王
強項：識得召喚咩都識嘅姜蓉（胡定欣）上身，乜都識答零難度！
黃翠如
界別：演員
綽號：萬人女神
強項：「每個男人心入面都有一個黃翠如」，如此神通廣大，可謂萬「人」莫敵。
楊詩敏
界別：演員
綽號：扮嘢嬌蝦
強項：扮乜似乜，連徐子珊都扮得咁似，相信無嘢可以難倒佢。
文：音樂組