邱子傑闔家旅行偷享二人世界

溥儀眼鏡老闆邱子傑昨日出席「溥儀眼鏡×丹麥品牌LINDBERG」預展，他坦言很榮幸邀請到品牌首席設計師Mr. Henrik Lindberg親臨是次活動：「同呢個品牌合作咗十幾年，喺丹麥係數一數二嘅眼鏡品牌，依家喺內地都發展得好快、好成功，歐洲好多人好鍾意呢個品牌，係丹麥皇室嘅御用品牌。」

去北海道滑雪

他透露Mr. Lindberg經常邀請他到丹麥，希望好好招待他，可惜一直未有機會去；問到聖誕節會否一家人順道去丹麥旅行？他不禁說：「去旅行就唔做嘢啦，今年計劃去北海道滑雪，同小朋友去旅行冇理由去歐洲shopping。」他又透露即使一家人出國旅行，也會與太太邱李茂琪偷走出去二人世界：「依家得個女喺香港，所以間唔中都會兩個去日本旅行。（囡囡唔呷醋？）都OK，買多啲嘢畀佢就冇問題！」

邱子傑邀得設計師Mr. Lindberg來港親自介紹新系列。

邱子傑與太太邱李茂琪向來恩愛，不時享受二人世界。（資料圖片）

仔拍拖開綠燈

談到子女踏入青春期，邱生表示他們沒有出現反叛期，但行為開始「老積」：「兩個都乖嘅，個女下年應該都出國留學，希望同大仔同一間（學校），不過依家外國讀書都唔容易。（太太咪好掛住仔女？）我都好掛住o架，不過我成日飛去外國做嘢，可以探佢哋。（大仔開始談戀愛？）應該未，佢應該唔會同我傾，反而同妹妹傾；佢依家15歲，都差唔多，我哋好開通。」

文：名人組