連詩雅（Shiga）跟側田被今期《好報》拍得在紅磡一酒店咖啡室密會三粒鐘，雖有其他朋友在場，但兩人坐埋一角密密斟，細聲講大聲笑，Shiga更傾到眉飛色舞，指手畫腳，Shiga昨日透過公司說：「我同側田識咗好多年，我嚟緊會同側田合作，嗰日係出嚟開會傾個方向同歌曲啲嘢。」
雖然Shiga跟側田屬於不同唱片公司，不過私交甚篤，今年5月側田在美國舉行演唱會，Shiga便遠赴當地做嘉賓。
