羅霖處女獻唱口窒窒

歌手麥潔文（Kitman）前晚在屯門開騷，邀得「美魔女」羅霖與馬嘉均等任表演嘉賓，Kitman的女兒更在開騷前向媽媽獻吻打氣，但老公江華有工作在身而缺席。首次於公開場合開金口的演出羅霖，跟Kitman台上合唱兩首，但緊張得全程口窒窒兼手震，她受訪時說：「手震同手心冒汗，全日不停去廁所！年紀大怕瘀，上到台又唔係好記得歌詞。」Kitman則透露今次只得個幾月籌備：「個場係『執死雞』執番嚟。（點解攞羅霖嚟唱？）佢有新歌出，相信應該OK，當宣傳吓同攞經驗，多謝佢唔嫌棄山長水遠嚟做嘉賓。」