莊思敏斥累己累人

荷里活驚爆中年男星染上愛滋病，更有指該男星染病後繼續夜夜笙歌，此事亦令不少香港藝人關注。身為安全套代言人的莊思敏說：「個荷里活男星明知自己有病仲周圍玩，行為好差，小學生都知感冒要戴口罩啦！愛滋病依家仲未有完全根治方法，真係唔理人感受。同埋我想講依家應該正確使用安全套，唔單止因為避孕，亦可預防性病，為他人為自己，要正視呢個問題。」
莊思敏藉機宣揚正確使用安全套。
莊思敏藉機宣揚正確使用安全套。

向來敢言的周秀娜卻十分同情該男星：「我覺得嗰位荷里活男星唔應該放棄自己，可考慮用自己名氣去帶畀大家訊息去預防愛滋病，做多啲慈善同公益活動，去關懷同樣有呢個病嘅人。」至於何佩瑜則說：「聽講個荷里活男星有病仲去蒲，真係會傷身o架！應該好似我咁，戒埋夜蒲，盡量做多啲運動，令自己身體好啲，亦希望佢切勿放棄自己。」

何佩瑜坦言夜蒲傷身，應多做運動。
  • 何佩瑜坦言夜蒲傷身，應多做運動。
周秀娜盼該男星以自身經歷助人。
  • 周秀娜盼該男星以自身經歷助人。