角色一肥一瘦

佘：原來佢哋不停嗌嘢食，係因為你呀？

張：對唔住，搞到你都肥埋！導演話初哥哥經歷咗咁多應該要飽滿啲，唔好太Fit唔好有六舊腹肌，我嗰排重咗十幾磅，有個Shot見到我側面有少少肚腩，我成功咗啦！

「初哥哥」和「君好」成為一代觀眾的集體回憶。

Chilam試盡所有方法減重玩sky diving。

佘：但我就相反，唔可以肥，因為角色情緒有啲抑鬱，所以要唔食嘢！

張：你成日面青青！

佘：唔夠瞓，要演繹失眠狀態，又唔可以話犧牲，每個演員都應該投入角色，其實我有一齊食，可能大家食一碗，我就食兩啖囉！

除底褲減重

張：有一個場口好得意，劇情講我哋去玩sky diving，事前知道兩個人一齊跳體重係有限制，我哋爭兩磅先達標，於是係咁剪衫，唔着襪，除皮帶，試盡所有方法！

佘：可以除得嘅都除咗！

張：我件衫得番條領咋！底褲都除埋喇！可能同我增肥咗有關啦！

佘：唔係，係件威吔衫重，佢哋又冇計埋！企咁高真係好驚！要踏出去嘅勇氣，真係形容唔到咁大！當日又大風大雨，企喺度都吹到人都歪！

張：我就OK嘅，有玩過Bungee Jump（笨豬跳），係未玩過降傘，準備去挑戰，人一世物一世！

佘：好勁！我就唔得！

張：遲啲可能你會想，咩都試吓吖嘛！