有人話手指嘅用途隨住人類文明發展，變得愈嚟愈廣泛，以前我哋嘅手指唔係用嚟拎嘢，就係撩嘢，例如撩鼻哥，時至今日就用嚟打字同篤手機芒。至於講到喺性愛字典當中，同手指及Finger有關嘅俚語同用語更係相當多，唔知大家又識得幾多個呢？
翻查字典會發現「Fingering」嘅意思，解做撫弄，咁呢個詞語用喺情慾上嘅話，咪即係愛撫咁解？咁講只係啱咗一半，事關佢嘅意思係指女性用手指自娛咁解。之所以講明係女性，因為男士用五姑娘自娛嘅話，呢種行為叫Handjob，兩個詞語係唔可以調亂嚟用，否則就會唔同咗意思，解做用手指幫女伴或男伴嚟解決生理需要。話說回來，「Fingering」係用手指自娛，如果重口味啲直頭塞個拳頭入去嘅話，呢種自娛行為又叫做乜呢？答案就係「Fisting」。不過話時話，呢個玩法實在太重口味，唔係人人夠膽玩。
「Chinese Finger Trap」本身係一種用極薄嘅竹片製成嘅魔術道具，有人稱佢做中國指銬，亦有人稱佢為中國手指陷阱。玩法係當你塞咗隻手指入指銬之後，任你出盡奶力都掹唔番隻手指出嚟，反而放鬆手指，就可以好輕鬆咁逃出生天。不過，翻查資料，呢個魔術道具好似同中國冇乜關係。講咗咁耐題外話，咁佢喺情慾世界又係指啲乜嘢呢？原來係指兩男一女嘅性愛體位，女嘅企喺中間並趷高美股，企喺佢後面嘅男士就推車仔，而前面嘅猛男則送上兵器享受口舌服務。由於喺呢個體位中，兩男會各自用力推進關係，情況就好似玩緊「Chinese Finger Trap」咁喇！
點解呢個喺美國紅極一時嘅四仔系列《The 4 Finger Club》，會用上4呢個數目字？唔好意思，真係答唔到你。其實唔知都無所謂，只需要知道佢係由美國著名四仔片商New Sensations推出嘅人氣作品就得啦。呢套作品以「索女玩得放又激」為主題，因此搵嚟眾多人氣脫星上陣。自1999年推出第一部作品後，及至2001年短短2年間就推出咗19部系列作，而呢個時期絕對係四仔系列嘅黃金時期，直到2009年推出到第27部作品後，宣告呢個系列正式完結。呢套推出長達10年嘅系列作品，憑住火辣同狂野嘅演出，先後喺2001年及2009年嘅AVN頒獎禮中獲得「Best All Girl」大獎。
「マン」係女性下體嘅簡稱，而加上手指嘅話，即係用手指伸入洞探索嘅動作。呢個絕對係日本AV潮吹作品中嘅指定動作，皆因只有手指先至可以刺激到女優嘅G點，繼而引爆潮吹。而講到日本男優指技之神，非退役好耐嘅加藤鷹莫屬，但其實喺現役男優中都有指技非凡之人，佢就係清水健。話說佢喺2014年推出專為提升男士床技嘅作品《快感制霸》中，夥拍AV女優椎名美久留表演獨門指技，等男士可以掌握到潮味秘指嘅精髓，有興趣嘅話可以搵番嚟睇。
撰文：魂