徐子珊胸降銅鑼灣 玩火被圍

徐子珊即場「玩火」，表演魔術。

藝人徐子珊昨日低胸長裙上陣現身鬧市宣傳美容活動，露出三吋事業線的她吸睛度十足，引來不少市民圍觀。期間子珊玩有火的魔術，又向市民派糖，事後表示性感裝束乃因應大會要求，但就冇膽穿上其廣告照中的三點式現身鬧市。她又搞笑預告要收起弗爆身材：「聽日開始轉涼喇，所以我都收爐喇！」

問到是否害怕人多地方？她謂：「我有少少人群恐懼症，平時少去人多地方就少啲危險，但做嘢就冇辦法啦！」

無約一身輕的徐子珊去向未明，留待明年才決定。

自爆患人群恐懼症的徐子珊為工作頂硬上。

內地公司洽商

忙於為演唱會排舞及年尾與珠寶公司合作推出珠寶設計的她，問到完約無綫後的新去向，子珊謂：「都仲有同樂小姐傾緊，就算要簽最快都係明年嘅事，等我安心搞埋呢兩樣嘢先，唔太急。其實都keep住有內地劇、活動同內地獨立經理人透過朋友聯絡我（導演杜琪峯有冇傾？）傳聞啫！」

文：影視組