余文樂黃伊汶前度翹手 送祝福
藝能集團前晚舉行三十周年慶祝晚宴，眾多圈中藝人如溫拿、李克勤、黃伊汶（Emme）、余文樂、孫楠、楊崢等出席到賀，場面星光熠熠。
Emme在Facebook上載「集郵」相，其中一張正是與舊愛余文樂的「世紀合照」！
Emme大方挽着舊愛樂仔手臂，表現親暱。記者昨日致電Emme，問到與舊愛見面會否尷尬？她透過助手表示：「唔會，大家朋友嚟。（世紀合照？）大家誤會咗，我哋有圈外共同朋友，都見過面，只係大家唔知。」她指當時坐在主家席，而樂仔曾簽約藝能，所以前來跟前老闆譚詠麟（阿倫）及前輩李克勤打招呼。問到Emme，二人的寒暄內容，她謂：「都係講幾時生同近況，互祝身體健康，樂仔就講佢工作。」至於樂仔至截稿前未有回覆。
此外，當晚台上猶如溫拿明年演唱會預演騷，盛裝出席的名模楊崢是譚詠麟的忠實粉絲，當聽到阿倫唱《愛的根源》時深受感動！而內地歌王孫楠亦視阿倫為偶像，兩人合唱《一生中最愛》。孫楠更透露來港後，幸得阿倫的引薦才有機會簽約第一間唱片公司。
彭健新否認提議「散Band」
而溫拿於前晚受訪時，阿倫曾暗示是彭健新提議「散Band」，記者昨日聯絡彭健新，問與阿倫見面可有尷尬？他表示：「冇，想澄清番，唔關我事，只係有同事提出，我喺度諗，唔知點解有人誤會咗係我意思，我好重感情點會咁做。」他似有難言之隱指溫拿五子有很多事不便公開，並謂世事難料，但不會因被「誤會」而覺委屈。
文：音樂組