黃芷晴林熹瞳執垃圾 巨細無遺

而郭田葰坦言最愛做義工，曾當醫生的他在一次「義診」及時救回同事一命，大感有意義。

藝人黃芷晴、林熹瞳、梁雨恩、郭田葰、古天祥和黃竣鋒昨日到深井出席「Ecovision Asia清潔香港2015」活動。無懼陽光的黃芷晴和林熹瞳就連小如玻璃碎的垃圾都一一執拾，為自然環境盡心盡力。問她們會否在家親自清潔？黃芷晴即謂：「梗係會執，我阿爸（黃日華）最鍾意就係話我唔執房。」指最亂時會隨意放帽、文具雜物在書枱，問她會否隨意放內衣褲？

黃竣鋒（左）和古天祥拉廢棄車胎，展示力的表現。	黃芷晴趁林熹瞳執垃圾，在背後整古做怪擺甫士。	梁雨恩和郭田葰冇停手，密密執滿大袋垃圾。

她即否認：「咁又唔會，要洗就會放落個籃度。」

黃竣鋒飲果汁補充水分都不忘晒肌。

黃芷晴表示平時會落手落腳執屋做家務。

擁有健康膚色林熹瞳在沙灘忘形暴曬，她笑指自己不可再曬黑：「我驚再黑啲夜晚會見唔到我。」當芷晴提到最近因搬屋而學車時，熹瞳就則自爆早前分別因不慎衝燈和超速而被扣11分：「我揸車出名渣！」不過，芷晴卻力撐好姊妹駕駛技術，並笑謂：「我想試吓坐，我鍾意刺激！」

郭田葰隔空義診救同事

至於曾在澳洲擔任急症室醫生的郭田葰就坦言喜歡做義工，更會在電視城「義診」重拾老本行，不但發現同事有甲狀腺病，更試過電話隔空推斷某藝人患盲腸炎：「好彩發現得早，遲咗搞到潰爛就大件事。」在清潔沙灘過程中未有停手的梁雨恩，就指執拾途中發現千奇百怪的垃圾：「最神奇係喺沙灘發現化寶盆！」她亦發現有不少煙頭和膠杯膠碟，希望人們更能着重環保。她又指自己都以身作則多坐公共交通工具：「劉嘉玲都去咗搭巴士啦！」

黃竣鋒鍾情緊身泳褲

談到該海灘是拍拖勝地，承認喜愛在海灘欣賞美女的古天祥卻不敢亂答：「我同我Honey都鍾意揸電單車周圍去，所以架車先係我拍拖勝地。」而黃竣鋒就指曾在海灘游水時被喪望：「可能係條泳褲太細，我游水係鍾意條褲實啲。」

採訪：影視組、音樂組