阿嬌懶理Juno：o黎唔o黎 關我咩事？
鍾欣潼（阿嬌）與過氣緋聞男友麥浚龍（Juno）齊齊奪得MV大獎，但Juno就疑似有意避開阿嬌而缺席頒獎禮，阿嬌對於此事漠不關心，只表示：「佢o黎唔o黎 關我咩事？」
由國際唱片業協會（香港會）主辦的《香港流行音樂MV頒獎典禮2015第一季季選》前晚於九展舉行，共頒發19個獎項，得獎歌手包括組合Twins、鄧麗欣（Stephy）、周國賢、吳若希及泳兒等，國際唱片業協會（香港會）主席吳雨都有到場支持。
批評自我封閉
Twins憑歌曲《LOL》的MV奪「季選MV」獎，成員蔡卓妍（阿Sa）因有工作在身未能出席頒獎禮，並由另一成員鍾欣潼領獎。阿嬌的過氣緋聞男友麥浚龍當晚憑神曲《羅生門》的MV奪同一組別的「季選MV」獎，不過Juno缺席，問阿嬌可會覺得Juno怕尷尬而缺席？她淡然說：「唔會呀，佢o黎唔o黎關我咩事？（若見到面會唔會打招呼？）會Hi，見到咪見到囉。（有冇聯絡？）冇呀，佢唔係玩自閉咩？」
吳雨解釋Juno因工作未能出席：「佢一早同大會講嚟唔到，所以都有錄咗段得獎感受。（想避阿嬌？）唔係，歌手事前都唔知有咩人出席。」而Juno就透過經理人表示前日要拍攝廣告，並否認要避開阿嬌。
Stephy爆男友自戀
同場的Stephy被問到男友方力申可有欣賞過她露背演出、得「季選MV」獎的MV？她笑言小方應該有看過，還爆對方都經常騷肌：「佢好自戀，依家拍緊部戲，要裸露上半身，又會傳相畀我睇，就嚟頂唔順！」
而提到有報道指吳若希與同公司的鄭俊弘一同出騷的價錢只有25,000元，吳若希認為只是炒作新聞，並一向都很滿意公司接工作的價錢。 文：音樂組