謝婷婷變水魚 見過鬼怕黑

提到早前為母親狄波拉慶祝64歲壽辰，她大讚母親保養得宜。至於內地影后劉曉慶同樣駐顏有術，前日60歲生日的她把孖辮照放上社交網，被網友大讚美女，完全不似6字頭！

謝婷婷前晚一身deep V打扮出席萬聖節活動，獲大讚性感，她笑言更性感的打扮也試過，又強調非刻意性感，只是想以黑色裝束配合活動主題。提到婷婷母親狄波拉日前64歲生日，婷婷稱當日跟母親、父親謝賢及繼父江耀城（鬍鬚Kong）簡單食飯慶生，未有大搞，胞兄謝霆鋒則因身在內地，所以未能一齊慶祝。

狄波拉日前64歲生日，與婷婷及謝賢齊齊慶祝，保養得宜的她樣貌完全不似64歲。	劉曉慶紮住孖辮，少女味十足。	披上斗篷的李雲迪使出龍爪手。

拉姑劉曉慶不老傳說

問到媽咪被公開年齡會否不開心？婷婷說﹕「唔會，做我哋呢行，上網一查就查到，如果我好似我媽咪保持得咁靚，我會話自己120歲添，我爹哋成日講笑話佢係我big brother，我話佢係我grandpa，咁樣仲型，年紀大但係keep得好咪仲勁。（送咗咩畀媽咪？）送咗護膚品同護膚機器，都係啲beauty嘢，我之前送過頸巾同衫畀佢都唔見佢着。（媽咪會唔會想你送個女婿畀佢？）都要一段時間，慢慢等，等到佢77歲先，講笑。（有冇人追？）我就話冇，身邊啲朋友就話有，自己最唔識睇呢啲。（咁你有冇心儀對象？）冇。（啲追求者咪冇行？）我鍾意由朋友開始先。」

談到萬聖節，婷婷表示不會出外慶祝，並自爆曾有不愉快經歷：「蘭桂坊會封路好麻煩，夜啲返屋企又難截的士，我試過有次由中環去灣仔個的士司機收我一百五十蚊，仲要一上車就畀錢先。（係咪黑的？）我朋友幫我同個司機傾(口既)。（你話你係謝賢個女吖 嘛。）唔會，我咁斯文唔會咁講。（係咪因為你(口既)身份所以收咁貴？）我啲朋友都有咁問我，我話唔係，都係過咗一陣先睇到我係邊個。」

陳偉霆搞怪應節

與狄波拉同樣保養得宜的內地影后劉曉慶前日60歲生日，她在社交網上載了多張靚相，束起孖辮的她在售賣萬聖節物品的店舖拍照，少女味十足，完全不似60歲，獲大批網民讚靚女兼祝她生日快樂。

此外，陳偉霆也化上萬聖節妝湊熱鬧，見他化上紅色眼妝配紅唇，額上和臉龐還有幾道「裂痕」，帶點邪魅味道。鋼琴家李雲迪則在微博上載披着斗篷，並搞笑使出「龍爪手」的照片，還留言會用這身裝束去嚇人。

文：名人組