「射」飯變笑柄
歐陽震華、萬綺雯及王浩信表示拍《東》劇時搞笑事不盡，當中笑點極低的蚊蚊將食飯講成「射飯」，可謂劇組笑料之源，被Bobby笑足一年，自此「食早餐」、「食麵」、「食糖」變成「射早餐」、「射麵」、「射糖」，浩信說：「套劇多咗好多術語，開頭真係唔明，做咩對住碗麵講『射面』？蚊蚊真係令大家快樂指數飆升！」
飾演蘇東坡的Bobby表示劇中要處理很多家事及國事，非常煩惱，但戲外與蚊蚊、浩信、黃心穎、楊詩敏（蝦頭）、翟凱泰（泰臣）及陳煒合作，每日充滿歡笑，是近十年最開心的一套劇：「呢次好多家庭群戲，大家真係不分高低，同一語言，開心指數勁過去咗瓦魯阿圖！」
蚊蚊表示不介意經常被取笑：「佢哋成日話我反應慢、笑點低，但我唔介意，咁先係一家人吖嘛！家人係唔會嬲對方！」