曾勵珍否認失權
無綫戲劇製作總監曾勵珍前晚聯同無綫助理總經理杜之克現身劇集《梟雄》首映，提到有指她權力被架空，曾勵珍回應指希望大眾不要太多揣測，不諱言公司已澄清，公司上下也很齊心，欲同心合力製作更好作品。問到管理層方面是否有調動？她謂：「稍後公司都有好大發展，製作係需要配合同調節，咁人事編制調動喺大公司嚟講成日都有，唔係咩大事。」
有指連鄭俊弘擔正的新劇也要叫停，曾勵珍澄清謂因為對方年尾要出席頒獎禮及錄唱片，以及公司希望他以歌手身份為主。此舉會否與內部權鬥有關？曾勵珍謂：「做嘢啫，有時間都瞓吓覺啦，唔會將精力咁用，冇意思嘅。」而杜之克則謂：「報道咁樣好唔公道，又冇問過公司或珍姐，未經採訪就亂寫。」更指鄭俊弘依然有劇拍。