楊張新悅嚴教愛女 踢走公主病

楊張新悅強調從小培養三名女兒獨立，故不會有公主病。

前藝人楊張新悅（Nicola）、前港姐楊婉儀（Winnie）和夫婿王瑞勳，以及縱橫遊太子女袁愷瑩等，前晚出席以「Play Big Dream Big」為主題的智樂慈善晚宴，Nicola表示已多次親身支持此以遊戲來啟發兒童潛能的機構，表示從玩樂學習的構思極具意義，自己對三位囡囡的教育模式亦奉行自由玩樂：「Free play，例如玩一個遊戲，佢哋自己設計玩嘅方法同規則，創造力都會好啲。」

唔夠惡做「醜人」

育有分別6歲、5歲及1歲囡囡的Nicola表示女兒很獨立，還笑言自己在寶貝女面前不夠兇惡做「醜人」，反要丈夫楊哲安（Jeremy）在她們搗蛋時做大反派。問到會否擔心三位囡囡有公主病？她坦言除讓囡囡有足夠玩樂外，還有一定的嚴教模式，透露經常跟Jeremy攜同三位小公主出外行山、露營等，從小鍛煉她們刻苦耐勞的精神，絕不會患上公主病：「公主先決條件係要好多人照顧，佢哋識照顧自己，同埋老公鍾意做運動挑戰自己，令佢哋有奮鬥、唔放棄嘅精神；之前同佢哋去行山都冇半途而廢，落雨、日曬都繼續行，我希望佢哋唔會少少唔舒服就怨天怨地，溫室長大嘅小朋友唔會有毅力去完成每樣嘢。」

楊張新悅與楊哲安月前攜三女行山，全程女兒冇扭計。	楊婉儀與夫婿王瑞勳拍拖而至。	袁愷瑩亦支持小朋友從遊戲中學習。

楊婉儀長假唔旅行

而育有一子一女的Winnie亦表示支持小朋友從玩樂中學習，又透露每逢長假期均會留港，每年只會跟仔女出外旅行一次：「我逢聖誕、暑假都會留喺香港，兩個小朋友都明白每年只去一次旅行，我會發掘香港唔同嘅地方同佢哋去玩，平時同佢哋去博物館、公園、踩單車已經好開心，唔一定要去其他地方，同埋放長假嘅時候，香港少咗人，我哋反而多咗空間。」文：名人組