近日天氣轉涼，唔想冷親嘅話，出街記得着多件衫喇。而Cool除咗解作涼之外，當大家遇着一啲正到爆嘅事，會講一聲「Cool」，既潮又有意境，喺情慾字海中，原來Cool字仲有好多用法同意思(口架)！
如果一睇就知道呢個詞語嘅真正意思，不得不佩服閣下嘅英文水平。事關「Arse Cooler」中嘅Arse其實係一個古老嘅英式英文俚語，意思即係指屁股，而喺19世紀時期演化成美式英語中嘅Ass。講咗咁耐，即係乜嘢意思呢？原來係指超短迷你裙，短到見到臀肉嗰款，因為勁短關係，所以有為臀部降溫嘅效果！唔講唔知，原來擁有巨躉嘅女性比較聰明，美國有大學研究發現，理由係佢哋受益於積聚喺臀部嘅脂肪酸，而呢種物質能刺激大腦活動，有助提升工作效率。
你以為「Cool Out」嘅意思解做正到爆？錯！因為喺情色字海中，佢嘅意思係解做交配。大家都知道動物有發情期，佢哋趁住呢個時候交配以繁衍後代，咁人類又有冇發情期呢？有研究指其實人類喺大約100萬年前嘅猿人階段，發情期就已經慢慢消失。所謂消失，即係喺一年365日嘅任何一日中，男女都會產生慾望並進行交配。不過又係咪完全消失呢？研究人員又話唔係喎！因為女性喺月經周期嘅某幾日當中，性慾會特別強烈，只係呢種僅為性慾強度上嘅分別，相對動物嘅發情反應並唔可以相提並論。
我哋有Cool魔，意大利嘅四仔界則有人氣作品《Cool Babe》，只係呢班脫星一啲都唔Cool，反而熱情如火添！呢套由意大利四仔片商Pink'O喺2007年推出嘅作品，搵嚟著名意大利四仔導演Denis Marti執導，由意大利著名脫星Claudia Antonelli主演，單係呢種意式組合已經夠晒吸引。故事內容更係相當精彩，講述人氣女歌手Claudia本嚟諗住可以登台演出，點知卻意外捲入黑幫、殺手同間諜嘅三角風雲之中。面對各種情慾及危險，佢惟有使出身體本錢尋找逃出生天嘅機會。順帶一提，片中嘅Claudia仲有唱歌演出，發覺佢嘅歌喉原來幾掂，只可惜佢喺2010年已經退出四仔界，真係可惜。
講到涼字，又點可以少得日本人氣AV女優美竹涼子呢？呢位別名樹本涼子，喺1982年12月3日出生嘅女優，於2002年1月以清純美少女形象推出處女作《初熱》，正式投身AV界。事實上，佢唔單止樣子甜美，床上反應更係激烈，據聞佢曾經喺攝製現場出現真正高潮添！憑住出眾嘅外在條件及演技，涼子出道冇耐就獲得最優秀女優大獎，而佢嘅作品喺AV每周銷量排行榜上，更創下8連冠嘅佳績。正當佢處於事業高峰期之際，喺2004年8月底宣布懷孕並引退，據聞佢老公係東京某集團嘅有錢仔。自出道以嚟，涼子共推出超過30套AV及9本裸體寫真集。
撰文：魂