腳腫譚詠麟 輕鬆入七球

校長譚詠麟昨日擔任慈善足球盃大使，透露最近因踢足球致腳眼受傷：「抖咗八星期，有睇醫生，但呢啲傷起碼過百日，我羽毛球都冇打，係早幾日去咗鬆吓腳（踢波），仲唔覺意入咗七球！（咁咪有痛腳在手？）係腫腳。」談到工作，校長表示近來忙於跟溫拿隊友開會商討明年舉行的跨年演唱會，透露已拍攝好演唱會海報，問到造型可有參考七十年代的長髮及喇叭褲？他即笑言：「造型係金漆招牌！要戴假髮喎，使唔使咁熱？（到時會唔會叫大家嘅仔女上台表演？）阿B（鍾鎮濤）會，佢嗰兩個都唱得，我估會安排。」