朱潔儀家傭借財仔受累遭追債
前港姐朱潔儀因前外籍傭工在財務公司借錢不還，令她無端端慘受滋擾，變成苦主的她說：「請咗佢四個月，慢慢發覺佢手腳唔乾淨，屋企成日唔見嘢，蜜糖、羽絨被、毛氈都唔見咗，都唔同佢計較，但有次個auntie畀咗封幾千蚊嘅利是，放入銀包瞬間唔見咗，淨係唔見幾張一千蚊，其他五百蚊就喺度，忍無可忍即時炒咗佢，點知炒完佢無幾耐就收到財務公司追數電話。」
朱潔儀因沒有物證，家居失竊沒有報警，惟有自嘆黑仔，她苦笑說：「個工人話曾經喺沙特阿拉伯服侍過公主，以為佢接受過皇室規條，工作應該有一定水準，點知佢只對自己飲食嘅水準有要求，可能佢食慣好嘢，一定要食三文魚，煨雞髀都要煨足兩個鐘，畀自己食，我無份！」