羅霖過招教仔免受欺凌
藝人羅霖昨日出席慈善活動，透露大仔小學期間在學校曾遭欺凌，持續一星期每早上學也會嘔吐，找醫生診治下發現不是腸胃有事，而是心理問題，足證留意小朋友情緒十分重要。
「美魔女」羅霖昨日出席關懷自閉症人士的慈善活動，同場還有廖碧兒、楊思琦及黃美棋等人，羅霖表示有留意近日消防處爆出前線人員疑集體欺凌及性侵同袍的醜聞，她對事件非常失望，特意跟三名兒子分享相關新聞，羅霖說：「佢哋早幾年曾有意當消防員，依家已打消念頭。」
即提醒大仔
羅霖更提醒身在美國讀大學的兒子，倘遇上欺凌事件要如何應付，她說：「要即刻通知學校，如果學校唔理就報警，我都好擔心，遇到任何欺凌都要出聲！大仔讀小學時曾經被欺凌，每朝返學都會嘔，持續成個星期，之後我帶佢去睇醫生，醫生話唔係腸胃問題，而係心理，所以要好留意小朋友情緒，唔係會影響佢一生。」
她笑言細仔Jonathan非常喜歡幕前演出，月尾她將飛往外地拍攝電影，但有慈善機構邀請Jonathan擔任模特兒行時裝騷，怕未有時間陪伴在側，打算推了這工作，羅霖說：「但Jonathan話如果媽咪陪唔到，婆婆可以陪！佢已經10歲，想佢專注學業同功課，如果慈善工作就盡量出席，首映活動就唔想佢出席咁多，但佢好鍾意睇西片，例如超級英雄！（搵錢工作都推？）都推咗！」
碧兒「養眼」
同場的廖碧兒透露早前因視網膜出問題要做手術，現在休養中，她已盡量減少需要搭飛機的工作，因怕氣壓會令眼睛再度受傷。問她可有興趣回無綫拍劇？她說：「如果有好劇本冇所謂，但最近要為新戲宣傳。（無綫有搵你？）最近冇，之前有搵我做節目，但當時我喺馬來西亞拍戲。」另外，楊思琦表示女兒年紀尚小，希望之後母女可以一同做義工。
文：名人組